Saturday 2 June 2012

நட்பின் நாடகம்


நட்பின் நாடகம்

அழகாய் வந்த நட்பு வானவில் போல
அன்பாய் சிரித்து  ஆறுதல் பேசியது -இன்று
நம் உறவு இடியுடன் கூடிய மழை போல
இதயம் துடித்து கண்ணீர் மழை

முக பார்க்கும்  கண்ணாடி போல
அழுதால் அழுதாய் சிரித்தால் சிரித்தாய் -இன்று
பார்வை இருந்தும் குருடனை போல
அழுவது தெரிந்தும் அலட்டாமல் விலகுறாய்

ஊக்கம் கொடுத்தாய் உடன் பிறந்தவர் போல
மனம் விட்டு ரசித்தாய் மழையை போல் -இன்று
பனி போர் புரிகிறாய் சகுனியை போல
பிறர் எனை பாராட்டுவது பிடிக்காமல்

தூரத்தில் உள்ள சூரியன் போல
ஒளி தந்தாய் வலி தரவில்லை -இன்று
நெருங்கி வந்த சூரியன் போல
எரிந்து நீறானது நீண்ட நாள் நட்பு

கடும் தாகத்தின் பின் அருந்தும் நீர் போல
நீ தந்த நட்பின் சுகம் நான் உணர்ந்தேன் -இன்று
உருகும் மெழுகு திரி போல
உருகிறேன்  நீ  நினைவில் வரும் போதெல்லாம்

வழி தந்து விழி பிடுங்கும் போலியான நட்பு
அன்பு தந்து பின் நெஞ்சில் அம்பு பாச்சும் நட்பு
புரிந்து வந்து பின் இறுதியில் பிரிந்து செல்லும்  நட்பு
நட்பின் வளர்ச்சி பிடிக்காமல் நாடகம் போடும் நட்பு
ஆரம்பத்தில் எனை பிடிக்க காரணமாய் இருந்த காரணங்கள் -இன்று
எனை வெறுத்து விலக உனக்கு காரணமாகியது
எனை பிடிக்காமல் பிடித்தது போல் பேசும்
உன் நாடக நட்பு எனக்கு தேவை இல்லை

Friday 1 June 2012

இசை தெய்வம் ♫

இசை தெய்வம்
தாயின் தாலாட்டு நினைவில் இல்லை
நினைவு தெரிந்து நான் கேட்கும் தாலாட்டு
தாய்க்கு ஈடாக எனை தாலாட்டும் இசை
இன்றும் கிடைக்கும் தாயின் அரவணைப்பு

இதயங்கள் வலித்த போதெல்லாம்
இளையராஜாவின் இசையை கேட்டது
இலவச மருத்துவம் நீ தந்த அதிசயம்
இதய துடிப்பாய் எல்லோரிலும் நீ

இறைவனை தேடல் எல்லோர்க்கும் உண்டு
கண் திறந்து தேடினேன் காணவில்லை
கண் மூடி தேடினேன் உன் இசையோடு
இசையும் இறைவனும் உணரத்தான் முடியும்

மழலைக்கு உன் இசை ஒரு தாய்
இளையவருக்கு உன் இசை ஒரு காதல்
முதியவருக்கு உன் இசை ஒரு கடவுள்
வாழும் வரை உன் இசை என் சுவாச காற்று


இசை தெய்வம் இளையராஜாவிற்கு எனது
மனம் நிறைந்த பிறந்த நாள் வாழ்த்துக்கள்
இறைவன் அவரிற்கு நல் உடல் உள ஆரோக்கியம் கொடுத்து
அவரின் தெய்வீக இசை பணி தொடர
எனது வாழ்த்துக்கள்